Bakının iki küçəsində nəqliyyatın hərəkətinə məhdudiyyət qoyulub.

Bu barədə Anons.az-a Bakı Nəqliyyat Agentliyindən (BNA) məlumat verilib.

Bildirilib ki, Mətbuat prospektinin Məmməd Rahim küçəsi ilə kəsişməsindən Abbas Mirzə Şərifzadə küçəsi ilə kəsişməsinədək olan hissəsində təmir işləri aparılır.

Bu səbəbdən də həmin hissədə nəqliyyat müvəqqəti olaraq yolun əks hərəkət olan hissəsinə yönləndirilir. 

Aparılan təmir işləri Mətbuat prospektində və Şərifzadə küçəsində həmin hissədə sıxlığa səbəb olub.